Azərbaycan Respublikası vətəndaşlarının soyadlarının dövlət dilinə uyğunlaşdırılması haqqında Azərbaycan Respublikası Milli Məclisinin qərarı (2 fevral 1993)
Azərbaycan Respublikasının Milli Məclisi vətəndaşların çoxsaylı müraciətlərini nəzərə alaraq qərara alır:
- Azərbaycan Respublikasının vətəndaşları «-ov», «-yev» sonluqlu soyadlarını «-lı» (sözün kökündən asılı olaraq «-li», «-lu», «-lü»), «-zadə», «-oğlu», «-qızı» sonluqlu və ya sonluqsuz ifadə formaları ilə əvəz edə bilərlər.
- Azərbaycan Respublikasının vətəndaşları soyadlarının sonluqları rəsmi sənədlərlə dəyişdirilənədək hüquqi əhəmiyyəti olan bütün sənədlərdə soyadlarının yeni ifadə formalarını işlədə bilərlər.
Soyadların sonluqlarının dəyişdirilməsi ilə əlaqədar yeni hüquqi sənədlərin verilməsi üçün rüsum tutulmasın.
Azarbaycan Respublikası Ali Sovetinin sədri
İ. QƏMBƏROV
№ 495
Bakı şəhəri, 2 fevral 1993-cü il