Danimarkada Azərbaycanın dövlət müstəqilliyinin bərpasının 20-ci ildönümü təntənə ilə qeyd olunub (16 oktyabr 2011)
Danimarkada fəaliyyət göstərən "Vətən" Cəmiyyətinin təşkilatçılığı və
Diasporla İs üzrə Dövlət Komitəsinin dəstəyi ilə Kopenhagendəki "Vanak"
restoranında Azərbaycan Respublikasının dövlət müstəqilliyinin
bərpasının 20-ci ildönümünə həsr olunmuş yaddaqalan tədbir
kecirilmişdir.
"Vətən" Cəmiyyətindən AzərTAc-a bildirmişlər ki,
tədbirin əvvəlində ölkəmizin müstəqilliyi və ərazi bütövlüyü uğrunda
mübarizədə şəhid olmuş soydaşlarımızın xatrirəsi bir dəqiqəlik sükutla
yad edilmiş, Azərbaycan Respublikasının dövlət himni səslənmişdir.
Tədbiri
giriş sözü ilə "Vətən" Cəmiyyətinin sədri Səfər Sadiqi acaraq qonaqları
salamlamış, Azərbaycanın müstəqilliyinin bərpasından ötən 20 ildə
ölkəmizin qazandığı uğurlardan danışmışdır.
Azərbaycan
Respublikasının Böyük Britaniya və Şimali İrlandiya Birləşmiş
Krallığında, eyni zamanda Danimarka Krallığındakı səfiri Fəxrəddin
Qurbanov tədbir iştirakçılarına son 20 ildə ölkəmizin keçdiyi sürətli
iqtisadi inkişaf yolu, dövlətimizin apardığı sülhməramlı siyasət barədə
ətraflı məlumat vermişdir.
Tədbirdə Azərbaycanın tarixini,
mədəniyyətini və incəsənətini əks etdirən kitablar, buroşürlər və
videoçarxlar numayiş etdirilmişdir.
Arhus Universitetinin maliyyə və
beynəlxalq biznes fakültəsinin maqistr tələbəsi Tural İsmayılovun
"Azərbaycan iqtisadiyyatının bu günü və sabahı" mövzusunda məruzəsi
tədbirin qonaqlarının ölkəmizə marağının daha da artmasına səbəb
olmuşdur.
Aşıq Abbasın və başqa soydaşlarımızın ifaları bayram
mərasiminə xoş ovqat bəxş etmişdir. 9 yaşli azərbaycanlı Artanın
ifasında Azərbaycan, türk və Avropa klassiklərinin musiqisinin təqdim
olunması da böyük maraq doğurmuş və alqışlarla qarşılanmışdır.
Danimarka
Universitetinin professoru Karl Erik Fredeskov və politoloq Vetslav
Kiçilenko tədbirin qonaqları adından xalqımızı Azərbaycan
Respublikasının dövlət müstəqilliyinin bərpasının 20-ci ildönümü
münasibətilə təbrik etmiş, bu cür tədbirlərin Azərbaycanın dünyada
tanıdılması və təbliğində mühüm əhəmiyyətə malik olduğunu vurğulamışlar.
Danimarka
parlamentinin deputatı Huseyn Arac, iqtidarda olan Sosial Demokrat
Partiyasının liderlərindən biri, parlamentin keçmiş deputatı Yıldız
Adoğan, Türkiyə və Ukrayna səfirliklərinin nümayəndələri, Diasporla İs
üzrə Dövlət Komitəsinin təmsilçisi Elnur Əliyev, Azərbaycanın Böyük
Britaniyadakı səfirliyinin ikinci katibi Fərhad İsayev, Danimarkadakı
Türk Cəmiyyətinin sədri Bahadur Güler, Türkmən Cəmiyyətinin sədri Yurtan
bey, Uyğur Cəmiyyətinin sədri Abdulla Setdar, Çeçen Cəmiyyətinin sədri
İlyas Musayev, Danimarka Universitetinin professoru Karl Erik Fredoskov,
politoloq Vetslav Kiçilenko, ölkə telekanallarinin, mətbuat
orqanlarının nümayəndələri mərasimin qonaqları arasında olmuşlar.
16.10.2011
Qartalqezeti.com