Kanadada Azərbaycanın dövlət müstəqilliyinin bərpasının iyirminci ildönümünə həsr olunmuş tədbir keçirilmişdir (19 oktyabr 2011)
Bakı, 19 oktyabr (AzərTAc). Kanadanın Ontario vilayətinin London
şəhərində Azərbaycanın dövlət müstəqilliyinin bərpasının iyirminci
ildönümünə həsr olunmuş tədbir keçirilmişdir.
Diasporla İş üzrə
Dövlət Komitəsindən AzərTAc-a bildirmişlər ki, Azərbaycan Kanada Türk
Assosiasiyasının (AKTA) təşkilatçılığı ilə keçirilən tədbirdə Azərbaycan
və Türk diasporlarının nümayəndələri ilə yanaşı, yerli ictimaiyyətin
nümayəndələri də iştirak etmişlər.
AKTA-nın sədri Kəmalə Şiriyeva
tədbir iştirakçılarına Azərbaycanın müstəqillik tarixi, ölkəmizin son
illər əldə etdiyi nailiyyətləri barədə ətraflı məlumat vermişdir.
Tədbirdə
təşkil olunmuş Azərbaycanın mədəniyyət və incəsənət nümunələrindən
ibarət sərgi qonaqların böyük marağına səbəb olmuşdur.